整個喊面俾這間酒家

最低工資出台不久，飲食業就首當其衝，但若然因而將貨就價，本末倒置，不整「喊面」也不得!

事緣上星期五一家人到這間著名酒家吃晚飯小菜，知道walk-in攞位困難，下午2時多便致電book位(下午7時半4位)。

之後早了15分鐘到達，思兄最早到達，便要求安排一張大些(6人)檯，但酒家侍應卻安排8人檯，仲話「呢張已經係噃」，思兄覺得4個人一張8人檯似乎很過份，於是要求再安排，雖然安排了一張6人檯，但是較近廁所和不是正中間位置，坐得不舒服。

整個晚飯其實是補祝母親節，但吃得有點氣，以後不會再來，原因有以下:

1. 可能係最低工資，想減些成本，於是不派湯匙，問題係沒有湯匙吃飯(按:是用小盤形的碗「裝」的，飯仲幾「實」)，不太方便，我決定自行拿四隻湯匙。
2. 五碟小菜太細碟(雖然圖片僅供參考，但相差得太遠了)，質素平庸(自己的屋村酒家仲好過佢)，失望!
3. 翠玉瓜和豆腐是否大平賣兼成本較平呢? 我們叫兩款小菜(一款係紅燒豆腐，而另一款係海鮮煲)，竟然同時出現翠玉瓜和豆腐!但海鮮煲的海鮮卻小得可憐(兩隻超細隻帶子和少量魷魚)，而且一條菜也沒有。
4. 當晚八成是火鍋居多，但話明係「超級漁港」，魚缸的海鮮也不賴，為何會本末倒置，做唔好晚飯小菜這種「本份」呢?
5. 我聽到隔離檯叫了碟肥牛，頗為薄兼分量不太多，話:「衣碟野要成40多元...」

作為消費者，我不介意酒家調高少許價錢，去吃些有質素的食物和得到最基本的服務，但因為最低工資而「做唔好本分」，這樣就不可以原諒，不再來光顧也不覺得可惜。